Tafadhali[1] anza kwa kujikita katika ardhi iliyo chini yako. Tambua jinsi miguu yako au sehemu yoyote ya mwili wako inayogusa sakafu ilivyojiweka. Tambua jinsi ulivyopandikizwa—kupitia kiti au sakafu—katika Dunia, na jinsi anavyokushikilia kweli kweli—bila masharti, bila jitihada, kwa huruma...
Tambua pumzi yako inavyoingia—hewa ikipitia puani, mdomoni, ikijaza tumbo lako... Kila kitu kilicho ndani yako sasa hivi—hewa inayojaza mapafu yako, mavazi unayovaa, chakula ulichokula leo—vyote vinatoka nje yako. Dunia hii yenye huruma, iliyo kila wakati na inayokuwezesha kuishi, ndiyo inayokutegemeza. Wewe ni sehemu ya mzunguko huu usiohitaji juhudi, wa kutoa na kupokea. Unashiriki katika kubadilishana na vipengele vya asili, na viumbe wengine, na Dunia yenyewe.
Kwa kila pumzi unayoingiza, vuta huruma ya Dunia; na kwa kila pumzi unayotoa, toa shukrani. Tulia katika muunganiko huu usiotenganika kati yako na kila kitu kinachokuzunguka; pumua huruma, na pumua shukrani.
Sasa tunakaribia sehemu ngumu zaidi. Wazia mahali, au kiumbe, au jamii unayoipenda ambayo inaumia kutokana na madhara ya mabadiliko ya tabianchi au mazingira... Ukiwa umetulia, na ukiwa umejikita katika huruma na shukrani ulizo nazo, nakualika uingie katika nia yako, katika msukumo wako wa kutaka kupunguza mateso ya wapendwa wako. Sasa, unapoingiza pumzi, vuta mateso yao; na unapotoka pumzi, toa huruma yako...
Utakapokuwa tayari… ruhusu pumzi yako ya ndani iwe ni kuvuta shukrani ya Dunia kwa uwepo wako; na unapotoka pumzi, mpe huruma na upendo wako. Wewe umeunganishwa kwa kina kabisa naye kila wakati—hakuna utengano wowote hapa.
[1] Imetoholewa kutoka kwa Susan Bauer-Wu akiwa na Stephanie Higgs, A Future We Can Love: How We Can Reverse the Climate Crisis with the Power of Our Hearts and Minds (Boulder, CO: Shambhala Publications, 2023), uk. 68–70.